رسايل أقل، طلبيات أكتر
الرسايل
24 رسالة جديدة
مايا2 د
قدّيش هيدا؟
كريم9 د
ba3do mawjoud?
نور14 د
في منّو قياس أكبر؟
جو21 د
في توصيل ع طرابلس؟
سارة33 د
السعر بليز
هادي41 د
بتبعتلي الكاتالوغ؟
كل النهار عم تجاوب ع نفس الأسئلة: السعر، القياسات، التوصيل. دكامي بيحطّ كل الأجوبة بمطرح واحد، بدكانك الأونلاين. هيك الزبون بيلاقيها لحالو، وإنت بتوصلك الطلبية.
كل سؤال، جوابو جاهز قبل ما ينسأل
هيدي الرسايل يلي بتوصلك كل يوم، وهيك بيجاوب دكانك عنّك. الأمثلة من دكان تجريبي.
قدّيش هيدا؟
مايا · 10:42 ص
السعر مكتوب من الأساس.
كل منتج مبيّن سعرو بالدولار، محسوب ع سعر الصرف يلي إنت بتحدّدو. وبس يتغيّر سعر الصرف، بتعدّل رقم واحد، مش كل بوست.
علبة بقلاوة
500 غ
بتغيّرو مرّة، وكل الأسعار بتتغيّر معو.
في منّو قياس أكبر؟
نور · 11:05 ص
كل قياس، مع سعرو.
كل منتج بيعرض قياساتو، ألوانو وموديلاتو، وكل واحد بسعرو وصورتو. وإذا في شي خلص، الدكان بيقول هيك قبل ما حدا يسأل.
زعتر جبلي
- 250 غ$5
- 500 غ$8
- 1 كغخلص
بتبعتلي الكاتالوغ؟
هادي · 12:30 م
دكانك، اسمك، رابطك
رابط واحد فيه كل شي بتبيعو، مقسّم أقسام وفيه بحث. حطّو بالبايو وارتاح من بعت السكرينشوتات.
فرن ريما
الأشرفية
Do you have this in English?
سارة · 3:15 م
عربي وإنكليزي، عالأصول
الزبون بيختار لغتو والدكان كلّو بيمشي معو، ومن اليمين للشمال وقت يلزم. وإنت بتكتب كل منتج مرّة بكل لغة.
علبة بقلاوة
500 غ
$16Baklava box
500 g
$16كيف بطلب؟
كريم · 5:48 م
اطلب بتلات كبسات
الزبون بيختار المنتج وبيكبس «اطلب». بيفتح الإنستغرام والطلبية بتكون انتسخت وجاهزة لتنبعت. هيك بتوصلك رسالة وحدة واضحة بدل عشرة.
- 1اختار
- 2اكبس اطلب
- 3ابعت
بدّي أطلب: علبة بقلاوة، 500 غ
السلة، تكملة الطلب والدفع كاش عند التوصيل عم نشتغل عليهن.
فاتحين هلّق؟
جو · 1:14 ص
دكانك فاتح ليل نهار
الساعة وحدة بالليل ودكانك بعدو عم يعرض كل منتج وكل سعر. والطلبية بتلاقيها ناطرتك عالصبح.
بدّي أطلب: معمول بتمر، 12 قطعة
جو · 1:16 ص
إنت بتبعت رسالة وحدة. ونحنا منجهّزلك الدكان.
- 1
خبّرنا عن دكانك
عبّي الفورم تحت باسم دكانك وشو بتبيع.
- 2
منجهّزلك ياه
اللوغو، الألوان، الأقسام وأول المنتجات، باللغتين.
- 3
شارك رابطك
حطّو ببايو الإنستغرام وبستاتوس الواتساب، وبلّش استقبل طلبيات منّو.
من حارتك لكل لبنان
From your street to all of Lebanon.
شو جاهز اليوم، وشو جايي بعدين
منفضّل نقلّك من هلّق، أحسن ما تتفاجأ بعدين.
موجود هلّق
- دكان أونلاين إلك، مع أقسام وبحث وصفحة لكل منتج
- قياسات وألوان وموديلات لكل منتج، مع صور
- عربي وإنكليزي، مع تصميم كامل من اليمين للشمال
- أسعار بالدولار حسب سعر الصرف يلي بتحدّدو
- لوحة تحكّم للمنتجات، الأقسام، الإعدادات وحسابات الموظفين
- طلبيات برسالة عالإنستغرام، والطلبية مكتوبة وجاهزة
جايي عن قريب
- السلة وتكملة الطلب
- الدفع كاش عند التوصيل، مع تأكيد الطلب
- الدفع بـ Whish Money
- التوصيل مع شركات توصيل لبنانية
دورك تسأل
الأسئلة يلي بيبعتولنا ياها أصحاب المحلات.
لازم أعرف برمجة؟
لأ. نحنا منجهّزلك دكانك: اللوغو، الألوان، الأقسام وأول المنتجات. وبعدها بتدير كل شي من لوحة تحكّم بسيطة، من تلفونك.
دكامي
زبوناتي فيهن يدفعوا أونلاين؟
بعد لأ. اليوم الزبون بيختار المنتج والطلبية بتوصلك برسالة عالإنستغرام. السلة، تكملة الطلب، الدفع كاش عند التوصيل والدفع بـ Whish Money عم نشتغل عليهن.
دكامي
بيشتغل بالعربي؟
إيه. كل دكان بيجي بالعربي والإنكليزي، والعربي تصميمو كامل من اليمين للشمال. وفيك تكتب اسم ووصف كل منتج باللغتين.
دكامي
كيف بتمشي الأسعار بين الدولار والليرة؟
بتحدّد سعر الصرف من لوحة التحكّم، والدكان بيعرض الأسعار بالدولار ع أساسو. وبس يتغيّر سعر الصرف، بتعدّل رقم واحد.
دكامي
قدّيش بيكلّف؟
الأسعار بعدنا عم نحدّدها. ابعتلنا تفاصيل دكانك ومنقلّك بالظبط قدّيش بيكلّف، قبل ما تلتزم بشي.
دكامي
شو بيلزمني لبلّش؟
اسم دكانك، لوغو إذا عندك، وصور وأسعار أول منتجاتك. عبّي الفورم والباقي علينا.
دكامي
دكانك أونلاين بنهار
ابعتلنا رسالة وحدة عن دكانك. منجهّزلك ياه ومنبعتلك الرابط.
- الفورم ببلاش وما بيلزمك بشي
- منردّ عليك عالرقم يلي بتعطينا ياه
- معلوماتك منستعملها بس لنردّ عليك